Michel Yacoub Life Coach
خليك صاحب قصتك… وسيطر على حياتك
حاسس إنك محبوس في دايرة مفيهاش مخرج؟
بتصحى كل يوم، تشتغل، ترجع، وتعيد نفس الروتين… كأنك عايش نفس اليوم؟
طب ما يمكن… لأنك بتلعب الدور الغلط في حياتك.
خليني أشاركك واحدة من أهم نظريات التطوير الشخصي اللي حرفيًا… لو فهمتها وطبقتها، ممكن تغير حياتك كلها.
BE - DO - HAVE
المفاجأة؟ الترتيب اللي بتحط بيه التلات كلمات دول… هو اللي بيحدد إنت عايش إزاي، وبتوصل لإيه.ناس كتير بتسعى وبتتعب وبتجرب تغير النتايج في حياتها… بس دايمًا بيبدأوا من الخطوة الغلط!النهارده هفكك معاك 3 أدوار… كل واحد فينا بيلعب واحد منهم من غير ما ياخد باله.
أول دور: الضحية
(Have – Do – Be)
الضحية بيقول:
لما يكون معايا فلوس، أو وقت، أو دعم (Have)… ساعتها هعمل اللي نفسي فيه (Do)… وساعتها هكون سعيد وناجح (Be)."لكن الحقيقة؟ الظروف عمرها ما بتكون مثالية. فبيفضل مستني، وما بيبدأش، وبيعيش دايمًا في إحباط وسلبية. وكلنا ساعات بنقع في التفكير ده… لكن أول ما تلاقي نفسك بتقول:"طب وأنا أعمل إيه؟ مش في إيدي." اعرف إنك بتلعب دور الضحية. والحقيقة إنك دايمًا عندك حرية الاختيار… يمكن ما تختارش اللي حصل لك، لكن تقدر تختار رد فعلك.
تاني دور: الشغّال
(Do – Have – Be)
الشغّال بيقول:
هشتغل أكتر (Do)، علشان يبقى معايا أكتر (Have)، وساعتها هبقى سعيد ومرتاح (Be)."
شكله ناجح… دايمًا مشغول… لكن دايمًا في سباق ما بيخلصش.
بيحقق أهداف لكن مش بيحس بالاكتفاء، والتوتر والضغط بيسيطروا عليه.
المشكلة مش في الشغل، المشكلة في الترتيب.
تالت دور… الناجح
(Be – Do – Have)
الناجح بيقول:
أنا هكون (Be) الأول الشخص اللي عايز أبقى عليه… ومن هنا، هعمل (Do) اللي الشخص ده بيعمله… وساعتها طبيعي، هيكون معايا (Have) اللي الشخص ده يستحقه."النجاح الحقيقي بيبدأ من جواك… من هويتك. لما هويتك تتغير، تصرفاتك تتغير، ونتائجك كمان تتغير. ده السر إنك تعيش حرية، ونجاح، ومعنى حقيقي.
الخلاصه
أنت النهارده في المكان اللي أنت فيه بسبب تصرفاتك في الماضي. ولو عايز نتائج مختلفة، لازم تتصرف بطريقة مختلفة من دلوقتي. ولازم تبدأ من أول حاجة: إزاي شايف نفسك؟ هويتك هي البداية.
تعرف على ميشيل
ميشيل يعقوب لايف كوتش معتمد، حاصل على الكفاءات الأساسية من الاتحاد الدولي للكوتشينج (ICF Core Competencies)، ومعتمد في عدة أساليب كوتشينج حديثة وعملية، منها:
البرمجة اللغوية العصبية (NLP)
التنويم الإيحائي (Hypnotherapy)
العلاج السلوكي المعرفي (CBT)
إعادة برمجة العقل الباطن وتغيير المعتقدات المحدودة
استراتيجيات إدارة الوقت والعادات
ميشيل بيساعدك تكتشف ذاتك، تعيد صياغة ماضيك، وتبني خطة عملية لمستقبلك.
شغفه إنه يمكّنك إنك تحقق التوازن بين الروح – العقل – الجسد، وتتخلص من العادات السلبية وتستبدلها بعادات جديدة صحية وفعّالة.
صاحب برنامج "رحلة التغيير" اللي بيوفر أدوات عملية وخطوات واضحة عشان تبدأ حياة جديدة مبنية على وضوح، ثقة، وحرية داخلية.
لماذا تختار ميشيل كمدرب حياة؟
ميشيل يساعدك على التخلص من المعتقدات المحدودة، المخاوف، وأنماط التفكير السلبية التي تعيق نجاحك.
سيمكنك من اتخاذ خطوات عملية كبيرة في حياتك، التغلب على الحديث السلبي مع نفسك، وبناء عادات صحية ومستدامة.
يمتلك خبرة في اكتشاف الأسباب الحقيقية وراء العقبات التي تواجهك، ويوجهك بدعم وتحفيز يساعدك على الوصول إلى أهدافك.
مع ميشيل ستتعرف على هويتك الحقيقية، وتصبح أكثر التزامًا وصدقًا مع نفسك، وتستمر في التقدم بخطوات ثابتة نحو التغيير.
يساعد عملاءه على تحقيق تغييرات جذرية ودائمة في حياتهم من خلال زيادة وعيهم بأنفسهم وتخطي تحدياتهم الشخصية.
كما يقدم ميشيل جلسات كوتشينج باللغتين العربية والإنجليزية.
